Шансите на Грција да излезе од еврозоната се 40 проценти, оценува главниот аналитичар на „Економист интелиџенс јунит“, Робин Бју.
Прогнозата е дадена по неуспехот на Еврогрупата да постигне договор со Грција вчера во Брисел.
– ЕУ и Грција не можат воопшто да се договорат на тие преговори. А, тоа крие реален ризик, кој ќе доведе до зајакнување на контролата врз движењето на капитали. Затоа оценуваме дека 40 отсто се шансите за излез на Грција од еврозоната, напиша Бју на Твитер.