Битиќи најави нови мерки за помош на угостителите

Од:

Оние економски оператори кои овие две недели ќе бидат затворени ќе бидат опфатени со нови мерки, најави вицепремиерот задолжен за економски прашања, координација со економските ресори и инвестиции Фатмир Битиќи во објава на Фејсбук.

– Во моментов разгледуваме неколку модели кои ќе се базираат на покривање на дел од остварените приходи во последните месеци. Секако за споредба мораме да земеме месеци со кои би можеле да симулираме колку тие истите би направиле приходи доколку не се случи ова затворање. Во моментов приоритет е здравјето и заштита на здравјето на граѓаните, за сите настанати штети во економијата, како и досега, државата ќе излезе пресрет, наведува вицепремиерот Битиќи во објавата.

Тој посочува дека, како и во вонредната состојба, оние угостителски објекти кои вршат достава можат да продолжат истото да го прават и по полицискиот час, со соодветни дозволи за движење.

– Дополнително, во текот на денот можат да продаваат храна и пијалови од шалтер (take away или to go) без послужување во самите локали. Ова секако ќе овозможи за поголемиот дел од нив да продолжат делумно да работат, додава вицепремиерот Битиќи.

Би можело да ве интересира

Организаторите на настани ги ставија протестите во мирување, викендов одат на средба со Битиќи

Жарко Настоски

Битиќи за организаторите на настани: Бараат грантови, но не прифаќаат да понудат програма за да им ги покриеме трошоците

Маја Илиевска-Пачемска

Протестираат организаторите на настани: Бараме државна помош, не работиме веќе 14 месеци

Жарко Настоски

Сертификат „Чисто и безбедно“ за угостителски објекти кои ги почитуваат протоколите за работа

Ана Ололовска

Занаетчиите ја чекаат поддршката за плати, голем дел не можат да аплицираат за бескаматните кредити на Развојната банка

Жарко Настоски

Владата ги усвои новите ограничувања – од утре забрана за движење од 20 до 5 часот, се затвораат кафеаните и обложувалниците

Жарко Настоски