Битиќи ќе поднесе преставка до КЗК за да се провери дали трговците здружено ги зголемувааат на цените на производите

Од:

Вицепремиерот за економски прашања Фатмир Битиќи најави дека во вторник во Комисијата за заштита од конкуренција лично ќе достави претставка за да се провери дали трговците здружено ги зголемуваат цените на основните прехранбени производи.

– Во вторник во 10 часот ќе одам во Комисијата за заштита од конкуренција да доставам преставка за да почнат да постапуваат во млечната индустрија и во други индустрии, рече Битиќи денеска одговарајќи на новинарски прашања по презентацијата на ИПАРД 3 програмата во Скопје.

Претходно, од Комисијата за заштита на конкуренцијата изјаснија дека тие не можат самоиницијативно да ги проверуваат трговците дали здружено ги договараат цените и дека за да постапат потребно е да биде поднесена преставка.

Во вторник на седница на Влада, како што најави Битиќи, ќе биде донесена и мерка во делот на млечната индустрија поради недостигот на млеко со што производителите ќе може соодветно да интервенираат.

– Ние не може да им ги намалиме цените за тие да работат со загуба. Тоа никој не го очекува, но исто така не можеме да дозволиме на грбот на производителите и на грбот на граѓаните, најголемиот профит да го прават оние кои ги продаваат продуктите, рече Битиќи.

Во однос на зголемените цени на овошјето и зеленчукот, Битиќи посочи дека земјава е се уште увозно зависна, но дека домашното производство на храна е зголемено во однос на 2016 година.

– Кога имате земја која е увозно зависна за основните прехранбени производи не може да очекувате дека за пет години ќе ја направите извозно ориентирана за да обезбеди доволни количини за домашниот пазар и плус да извезе. Денеска се произведува за 70 проценти повеќе од 2016 година, но не е доволно за да обезбеди целосно домашно производство за домашниот пазар, рече Битиќи.

Би можело да ве интересира

Србија ги качи акцизите за гориво, кафе, алкохол

А1он

Поскапува еуросупер БС-95, цените на другите горива не се менуваат

Орце Костов

Дел од маркетите ги зголемиле цените, Пазарен инспекторат ќе проверува дали купувачите се доведени во заблуда

Орце Костов

Ќе се намалат цените на храната, а маркетите наместо 40 отсто ќе имаат рабат од 10 отсто

Орце Костов

Ковачевски тврди дека цените се намалени за 10 до 30 отсто, Статистика објави намалување од само еден процент за август

Орце Костов

Мицкоски: Им фалат пари во буџетот, затоа зголемуваат данок на основни производи