Берзанските индекси минатата недела забележаа раст, а порасна и прометот.
МБИ10 индексот, кој ги следи 10-те највредни компании на официјалниот пазар, порасна 0,4 отсто и затвори на нивото од 1.879,73 индексни поени.
МБИД индексот, кој се состои од 11-те најликвидни акционерски друштва со кои се тргува на слободниот пазар, порасна 1,9 отсто до нивото од 2.127,15 индексни поени.
Вкупниот промет на берзата минатата недела малку порасна до нивото од 54,9 милиони денари (892 илјади евра) за разлика од предминатата недела кога прометот беше 54,7 милиони денари.
Најтргувани на официјалниот пазар минатата недела беа акциите на „Комерцијална банка“ од кои се истргуваа 13 милиони денари.
Еве како се движеа цените на акциите на 10-те компании што го сочинуваат МБИ10 индексот: