Единственото решение за постоечкиот проблем во Југохром е поставувањето на филтрите со што ќе се сочува животната средина и здравјето на граѓаните, како и работните места на вработените, изјавил министерот за животна средина и просторно планирање Башким Амети на денената средба со претставници на синдикатот од Југохром Јегуновце на која дискутирале за нивните барања и предлози за решавање на судбината на овој индустриски капацитет.
– Во разговорот, министерот Амети пред претставниците на Синдикатот јасно го искажа својот став ниедно семејство да не остане без месечни приходи и ниеден вработен да не остане без работното место. Но од друга страна, министерот уште еднаш го потврди ставот дека единственото решение за постоечкиот проблем е поставувањето на филтерите со што ќе се сочува животната средина и здравјето на граѓаните, како и работните места на вработените во Југохром, стои во соопштението од Министерството.
Истовремено, се наведува, министерот изрази подготвеност да ја поддржи секоја иницијатива за обезбедување социјален пакет за вработените во Југохром.