Агенција за храна: Од пазарот се повлекува небезбедна серија од млекото „Милкано“

Од:

Врз основа на добиен позитивен резултат за присуство на афлатоксин М1 над максимално дозволени концентрации во млеко од брендот „Милкано“ увезено од Босна и Херцеговина, Агенцијата за храна и ветеринарство почна постапка за повлекување небезбеден производ од пазарот.

Станува збор за, како што велат, резултат добиен во рамки на мониторинг програмата за безбедност на храната, која покрај редовните и вонредните контроли, Агенцијата ја спроведува секоја година.

Од полиците се повлекуваат 20 тони од „УХТ ТРАЈНО МЛЕКО“, „Милкано“ 3,2%, увезено од Босна и Херцеговина кое во целокупната количина е пласирано на пазарот, поради утврдено присуство на афлатоксин М1 над максимално дозволените количини од 0,05 микрограми на килограм, колку што е дозволено со нашите прописи.

Небезбедното млеко ќе се врати кај производителот доколку надлежните ветеринарни власти од Босна и Херцеговина го прифатат тоа, во спротивно, истото ќе биде уништено на депонијата Дрисла, најавија надлежните.

„Наредба за повлекување на небезбедниот производ од полиците е издадена и на операторот со храна, кој веќе ја информира јавноста за ова постапување. Ги информираме потрошувачите дека сите останати производи од овој бренд се безбедни, со исклучок на млекото со наведениот лот и рок на употреба. Потрошувачите кои имаат купено УХТ млеко од брендот „МИЛКАНО“ со наведениот лот и рок на употреба, апелираме истиот да не го употребуваат, односно да го вратат на местото каде што е купен. Секоја недоследност во однос на безбедноста на храната граѓаните можат да ја пријават лично до Одделението за заштита на потрошувачите при АХВ, на бесплатната телефонска линија наменета за потрошувачите 0800 3 22 22, или електронски на [email protected]“, велат од Агенцијата за храна.

Би можело да ве интересира

(ВИДЕО) Внимавајте: Напивка за слабеење, суплементи за црниот дроб, млеко, чоколади – повлечени како небезбедни

Анита Петровска Рајковиќ

Србија ја продолжи забраната за извоз на млеко и млечни производи, но не и за Македонија

А1он

Државата не ја заузда болеста, африканска чума кај свињите се рашири од Делчево до Липково

Владата на Србија ја продолжи забраната за извоз на млеко, не важи за Македонија и Албанија

АХВ нареди итно повлекување на виршлите „Wudy“, пронајдена бактеријата листерија моноцитогенес

Ана Ололовска

Во продавниците низ Србија недостиг на млеко: Владата го забрани извозот и му ја ограничи цената

А1он