Со доделување на наградата „Книжевна далга“, во дворот на црквата Св. Ѓорѓија во Струга и поетски митинг денеска завршуваат „Струшките книжевни средби- 2014“.
На митингот ќе биде доделена големата наградата „Книжевна далга“ – икона од Св. Ѓорѓи, изработена од академскиот сликар Никола Угриноски од Вевчани.
Добитник на овогодишната награда „Книжевна далга“ е српскиот автор Миљурко Вукадиновиќ.
– Наградата на Вукадиновиќ му се доделува „за високи дострели во литературата и меѓународната соработка и развојот на пријателството и соработката на авторите од Република Србија и Република Македонија, стои во образложението на меѓународното жири: Вања Ангелова од Бугарија, Маријана Бор Паздњикова од Русија, Снежана Дабиќ од Србија и Петко Шипинкаровски и Мерсиха Исмајлоска –претседател на жирито.
За творештвото на Вукадиновиќ ќе говори м-р Мерсиха Исмајлоска добитник на наградата „Книжевна далга“ во 2013 година.
Митингот ќе заврши со доделување и на наградата „Книжевни бранови“ за најдобро прочитана песна на поети од Македонија и странство со што ќе бидат прогласени „Струшките книжени средби за завршени.
Инаку, организатори на манифестацијата „Струшки книжевни средби“-2014, се Здружението „Бран“ и списанието „Бранувања“ од Струга.