Со целовечерен концерт на Кумановскиот тамбурашки оркестар вечерва во 20 часот и 30 минути во Младинскиот парк во Велес стартува втората етапа на проектот Топол културен бран.
Како што информира за медиумите Мартин Мајсторов портпарол на Општина Велес, на 26 август во Ликовниот салон ќе се одржи концертот Дуо пијано на Габриела Бачманова и Илија Настовски од Велес, професори по пијано. Ќе бидат изведени дела од Бах, Клементини, Хачатуријан, Бетовен, Дворжак и Пјацола.
Истата вечер во Ликовниот салон со почеток ќе се промовира збирката афоризми „Кочење во тројка“ од авторите Димитар И.Вилазорски, Миле Ѓорѓиоски и Васил Толевски.
Промоцијата е во организација и по избор на Друштво на писатели „Кочо Рацин“ од Велес и Локалната библиотека „Гоце Делчев“.
Годинешниот Топол културен бран ќе биде затворен на 27-ми август со концертот „Апасионато“ на гудачкиот квартет под раководство на Пламенка Трајковска во Младинскиот парк.