Во просториите на уметничката галерија „Амам“ во Гевгелија, денеска беше отворена изложба на најнови цртежи и скулптури од авторот Ранко Дакиќ, работени во десетгодишен период од 2005 до 2015 година.
Авторот на изложбата е роден во Скопје во 1958 година каде го оформил и своето образование во средното училиште за применети уметности и на Факултетот за ликовна уметност. Како самостоен уметник живее и работи во Берлин и Кавадарци, а член е на Асоцијацијата на професионални уметници на Берлин.
-Секое негово дело е крај на едни мечти и илузии, тегоби и стравови, надежи и очекувања, победи и порази, но и почеток на нови исти такви предизвици кои, барем до сега, Дакиќ успешно ги надминувал, рече за творештвото на авторот кураторот на изложбата, Златко Теодосиевски.
Настанот е подржан од Министерството за култура на Република Северна Македонија.