Романскиот филм „Позата на детето“ ја освои „Златната мечка“ на 63-то Берлинале

Од:

Романскиот филм „Позата на детето“ (Pozitia copilului) на романскиот режисер Калин Петер Нетцер ја освои највисоката награда „Златната мечка“ на 63-от меѓународен филмски фестивал Берлинале, пренесоа светските агенции.

Свечената церемонија се оддржа во филмската и концертна сала во Дворецот на Берлинале на „Потсдамер плац“, во центарот на германската престолнина во присуство на 1.600 гости, прецизираат агенциите.

Главните херои на филмот се 34-годишниот Барбу и неговата деспотска богата мајка Корнелија. Синот може да биде осуден на 15 години затвор затоа што прегазил и усмртил тинејџер. Мајката се обидува да го спаси синот, барајќи врски и изразувајќи сочувство кон родителите на загинатото момче. Барбу, меѓутоа, во овие дејствија на мајка му гледа лага и не ја поднесува нејзината претприемчивост и контрола.

Наградата на жирито му беше доделана на босанскиот режисер Денис Тановиќ за неговиот нов филм „Епизода од животот на собирачот на железо“, што го опишува животот на семејство босански Роми, кои се играат сами себе.

Наградата на жирито се смета за втора најпрестижна награда на кинофестивалот по „Златната мечка“, забележува ДПА.

„Сребрената мечка“ за најдобар актер ја освии невработениот босански Ром Назиф Мужиќ, кој во фулмот на Тановиќ се игра самиот себе.

Чилеанкаката Паулина Гарсија беше наградена со „Сребрена мечка“ за најдобра актерка.

Американецот Дејвид Гордон Грин ја освои „Сребрената мечка“ за најдобар режисер за комедијата „Prince Avalanche“.

Би можело да ве интересира

„Врба“ на фестивалска турнеја во Европа и САД

Ана Ололовска

Филмот „Манаки – приказна во слики“ во кино „Одеон“ во Софија

Ана Ололовска

Спасовски: Владата ќе го плати патот за Атиџе и екипата на Оскарите

Предраг Петровиќ

Филмот „Малмкрог“ на Берлинале, краткиот „Налепница“ на фестивалот „Санденс“

Ана Ололовска

(ВИДЕО) Атиџе ги чека Оскарите: Многу сум радосна, мала држава ама му покажавме на цел свет дека можеме

Кристијан Ландов

ВИДЕО: Атиџе ја запеа песната со која сака да настапи на Оскaрите

Кристијан Ландов

Leave a Comment

four × one =