Синоќа во Театар Комедија, по прекрасната изведба на претставата „Дони Дарк“, беа доделени благодарници на Театар Комедија и режисерот на претставата Роберт Ристов од страна на Lions Club NEW CENTURY- Македонија.
Благодарница за Театар Комедија, му беше врачена на в.д. директорот Сашо Ристовски за посветеноста кон целосната инклузија на лицата со попречености и прекрасната можност за подигнување на јавната свест за слепите лица кои се дел од нашето општество, а втората благодарница беше за режисерот на претствата Роберт Ристов, за одличната режија на ДОНИ ДАРК и личниот придонес кон подигнувањето на јавната свест за слепите лица кои се дел од нашето општество.
На синоќашната изведба во публиката беа присутни министерот за култура, Асаф Адеми и тимот од неговиот кабинет.
После бројните награди на фестивалите во регионов за актерите, признанието од граѓанското општество како да го заокружи успехот на оваа романтична комедија. Ова докажува дека претставата ДОНИ ДАРК е социјално ангажирана претстава со посебна естетика и високи уметнички вредности, која мора да се погледне.