Денеска во 80-тата година од животот, по кусо боледување почина истакнатиот македонски диригент и композитор Александар Лековски.
Лековски спаѓаше во првата генерација целосно едуцирани македонски музичари, а својата уметничка дејност ја започна кон крајот на педесеттите години од минатиот век.
Работеше како постојан диригент на Операта и нејзин директор, а потоа и на Македонската филхармонија.
Александар Лековски за својот уметнички придонес беше добитник на повеќе награди и признанија, меѓу кои и на наградата „11 Октомври“ и „Панче Пешев” (1994).
Комеморација ќе се одржи утре во Македонската Опера и Балет во 11 часот, а посмртните останки ќе бидат изложени во капелата на гробиштата Бутел во Скопје од 13.30 – 14.30 часот.