Во ноември пред македонската публика ќе запее легендарениот хрватски музичар Оливер Драгојевиќ чиј концерт е закажан за 29-ти ноември во спортската арена „Борис Трајковски“, со почеток од 21 часот.
Неколкучасовниот концерт исполнет со многу љубов и емоции, кој за миг во главниот град на Македонија ќе го донесе мирисот на Јадранот, воедно ќе биде и промоција на новиот албум на Оливер Драгjоевиќ, „Тишина мора”, кој е објавен во мај годинава под етикетата на Кроациа Рекордс и содржи 11 песни. Како гостин се најавува неговиот помлад колега, познатиот хрватски музичар Петар Грашо.