Музејот на современата уметност Скопје додели награда за најуспешен автор и дело, презентирано на 11. Биенале на млади уметници, кое беше отворено на 8 мај 2015.
Наградата за самостојна изложба, како дел од Програмата на Музејот за 2016 година, е доделена на двајца учесници – еден македонски и еден странски уметник, информира МСУ.
Според одлуката на жирито, остварувањето на Кристина Пулејкова од Македонија и Џумана Мана од Германија е најубедливо достигнување, иако на изложбата имало и повеќе дела со високи вредности.
– Авторите ќе ја реализираат наградата со средства што ќе бидат одобрени од Министерство за култура на Република Македонија, со програмата за работа на НУ МСУ за 2016 година, соопшти МСУ.