Осмоодделенецот Вељко Ненадиќ, во својата соба во Смедерево со една рака игра компјутерски игри, а со другата на клавир ги свири акордите на својата идна композиција.
Композицијата на Ненадиќ „Балканска свита“ неодамна освои прво место во јуниорска светска конкуренција на музички фестивал „Златен клуч“ во САД, а наградата ќе му биде врачена по концертот кој е закажан за јули, на фестивал во Виена.
-Уживам додека свирам твоја композиција и гледам видео снимка на која ти свириш. Одушевен сум со вештината, леснотијата и инзвонредната техника со која ја изведуваш „Балканска свита“ – изјави претседателот на жирито Антеј Команетски.
Ученикот интересот за музика го покажал на деветгодишна возраст, кога бил трето одделение, а сега е во трета година на Музичкото училиште „Коста Манојловиќ“ во Смедерево.
Својата прва композиција „Божиќен валцер“ ја напишал на десет години, а две години подоцна со истата композиција освоил прва награда на фестивалот во Земун, а наредната година на истиот натпревар прва нагреда доби за својата „Соната“.
На натпреварот на млади пијанисти во Убу, Ненадиќ беше единствен кој свиреше сопствена композиција, а наградата беше наредните два дена да настапува во Културниот центар во Белград.
Тој минатата година на конкурстот во САД ја прати композицијата „Балканска свита“, која е составена од три става во кои се преплетуваат музичките слики на Србија, Византија и Балкан.
До сега учествуваше на повеќе фестивали во Србија на кои освои награди и аплаузи од публиката. Професорите по музика редовно му бараа партитури.
Младиот композитор има десетина композиции, а наредната година ќе се запише во средното музичко училиште.