По повод Меѓународниот ден на холокаустот 27 јануари, во Меморијалнот центар на холокаустот на Евреите од Македонија вечер концерт ќе одржат сопранистката Ермне Блондел и пијанистката Каролин Вилиамумеи, кои ќе изведат дела на композиторите Курт Ваил, Шулхов, Гланцерг.
Концертот се реализира со поддршка на Австриската амбасада во Скопје и Меморијалниот центар на холокаустот на Евреите од Македонија и во соработка со здружението „Ервекте Штимен форум Виена„ (Еrweckte Stimmen Forum Wien).
Здружението е основано од диригентот и музичкиот научник Амори ду Клосел кој живее и работи во Виена. Целта на ова Здружение е повторно откривање на композиторите кои биле жртви на тоталитарните режими на 20 век, како и повторно оживување на нивните дела.
Концертот почнува во 19:00 часот, а влезот во Меморијалниот центар е бесплатен за сите љубители на музиката.