Во Мултимедијалниот центар „Матица ексклузив“ денеска ќе биде отворена изложба на акдемскиот сликар Стефан Хаџи-Николов, кој ќе се претстави со триесетина дела создавани во последните неколку години.
Книгоиздателството „Матица македонска“ за оваа пригода подготви каталог за неговото творештво.
Изложбата ќе ја отвори писателот и ликовен критичар Паскал Гилевски.
– Со оваа изложба „Матица македонска“ ја продолжува востановената традиција да ги афирмира високите вредности на македонските сликари и уметници, соопшти организатортот.