„Исцелител“ во Охрид на 25-ти и 26-ти октомври

Од:

Еден од најуспешните македонски играни филмови „Исцелител“ ќе се прикаже во Центарот за култура „Григор Прличев“ во Охрид на 25-ти и 26-ти октомври во 20.00 часот, влез 100 денари.
„Исцелител“ беше прикажан на неколку филмски фестивали во САД, во Индија, на најголемиот фестивал во Иран, на двата најголеми фестивали во Кина, на фестивал во Колумбија, на престижниот „Црни ноќи“ во Естонија и на многу други европски филмски фестивали.

Во Македонија „Исцелител“ беше прикажан во Скопје, Куманово, Битола, Кочани, Кичево, Прилеп, Штип, Велес, Богданци, Гевгелија, Неготино, Крушево, Св.Николе, Гостивар, Крива Паланка, Виница, Охрид, Струга, Дојран и Пробиштип а во Скопје се одржа и проекција на отворено во Градскиот парк која имаше повеќе од 9000 посетители. Филмот имаше кино дистрибуција и низ Италија во повеќе од 30 градови како и дистрибуција низ неколку града во САД.

За филмот бравурозни рецензии објавија неколку од најзначајните светски филмски списанија меѓу кои и „Variety“, „Holywood Reporter“, „Screen Daly“ и „Senses of Cinema“, но и значајни балкански и македонски списанија.

Филмот беше достапен на престижниот канал ХБО и на Синемаворлд Азија, а преку услугата „видео на барање“ беше достапен и во Австралија.

Главните улоги во „Исцелител“ ги толкуваат: Благој Веселинов и Анастас Тановски, а останатите улоги: Аксел Мехмет, Димe Илиев, Александар Микиќ, Мирослав Петковиќ, Симона Димковска и други. Автори на музиката се Бранислав Николов, Пеце Трајковски-Брада и Гоце Јованоски, директор на фотографија е Дејан Димески, монтажер Мартин Иванов, а сценарист, режисер и продуцент е Ѓорче Ставрески. Филмот е во продукција на Фрагмент филм од Скопје.

Би можело да ве интересира

Наградата Одисеј за Човекови права на Советот на Европа за „Господ постои, името и е Петрунија“

Ана Ололовска

„Медена земја“ и Атиџе наградени на Изборот на критиката за документарци во САД

Ана Ололовска

„O Que Arde” победи на Филмскиот фестивал во Солун

Ана Ололовска

„Медена земја“ номиниран за најдобар документарец на „Европските филмски награди“

„Врба“ со азиска премиера на фестивалот во Тајпеј

Филмот „Господ постои, името и е Петрунија“ номиниран за наградата Лукс на Европскиот парламент

Ана Ололовска