Во последната одлука за 12 унапредувања во ова министерство, само една позиција му е доделена на Албанец , и тоа на ниско ниво.
Овој биланс јасно укажува на свесна политика за маргинализација на културното претставување на Албанците во Република Северна Македонија.
Веќе повеќе од една година, не е реализирано ниту едно ново вработување во културните институции што ги водат Албанци.
Културните ансамбли се пред целосно згаснување, уметниците се на маргините, а институциите без живот, без инвестиции и без визија.
Музичкиот ансамбл е оставен како симболичен реликт – без поддршка и без перспектива.
Одговорноста за оваа состојба не е само на Министерството, туку и на остатоците од Влен во Владата, кои не успеаја да ги заштитат културните интереси на Албанците и ја прифатија улогата на тивка фасада пред оваа институционална дискриминација.
ДУИ апелира до јавноста, уметниците, интелектуалците и сите релевантни фактори да ни се приклучат во реакцијата против оваа организирана маргинализација.
Не може да има функционална и демократска држава ако еден дел од населението е исклучен од културниот и институционален простор.
Културата е идентитет. Нејзиното бришење е напад врз соживотот и еднаквоста.
ДУИ ќе го покрене ова прашање на сите институционални и меѓународни нивоа за да го сопре овој намерен удар врз културното наследство на Албанците, наведуваат од Демократската унија за интеграција