На 6-ти октомври во Сабота со почеток од 20:00 часот во скопската гимназија „Никола Карев“ – Скопје, ќе се одржи настанот „ГОЛЕМА СВИРКА НА МАЛИ БЕНДОВИ“ како дел од програмата „БЕЛА НОЌ 2018“. На свирката ќе настапуваат школски бендови од гимназијата Никола Карев со обработки на познати рок-хитови. Вечерта во Карев како специјални гости ќе настапат и музичкото училиште Roma Rock School од Скопје.
Настанот „Голема свирка на мали бендови“ е во организација на Младинскиот Културен Центар и Art house Karev – организација при средното училиште Никола Карев, и е дел од програмата „БЕЛА НОЌ 2018“ која ќе се одвива на многу локации низ градот Скопје.
Влезот е бесплатен.