„Бела ноќ“ вечерва на десет локации во Скопје

Од:

Традиционалната културна манифестација Бела ноќ ќе се одржи вечерва во Скопје, а нејзиното 16-то издание ќе биде специфично поради пандемијата и мерките за заштита од коронавирусот.

„Една недела порано од вообичаеното, на десет локации (паркингот пред СРЦ Борис Трајковски, МКЦ, Зеленото пазарче, Ибни Пајко плоштадот, Музејот на современа уметност, Домот на култура Кочо Рацин, Архитектонскиот факултет, Градската библиотека Браќа Миладиновци и Даут Пашиниот Амам), посетителите ќе можат да ги погледнат перформансите, концертите, изложбите и другите културно-уметнички активности,“ информираат од Град Скопје.

„’Бела ноќ’, во организација на Универзалната сала, со поддршка на Град Скопје, на граѓаните со својот урбан концепт ќе им ја доближи уметноста, додавајќи и нова, културна димензија,“ велат од Градот.

Годинава централниот настан „Скопските евергрини“ ќе се одржи на паркингот пред СРЦ Борис Трајковски, каде што најпознатите хитови ќе бидат изведени од најголемите македонски музички ѕвезди, Влатко Стефановски, Тамара Тодевска, Јаков Дренковски, Дарио и други, во придружба на Баги Биг Бендот, под диригентската палка на Љупчо Мирковски.

Влезниците за „Скопските евергрини“ пред СРЦ Борис Трајковски и концертот на платото пред МКЦ, се бесплатни и тие можат да се подигнат на билетарите на МКЦ и на Универзална сала.

Со почитување на мерките и препораките на Министерството за здравство и Град Скопје за заштита од пандемијата од коронавирусот, настаните од Белата ноќ в сабота ќе започнат од 19:00 часот и ќе траат до полноќ, а работното време на локалите нема да биде продолжено, нешто што беше вообичаено за минатите „Бели ноќи“.

Граѓаните за локациите и програмата дополнително можат да се информираат и на официјалната веб-страница: https://www.belanok.com/programe.

Би можело да ве интересира

Одложените содржини од „Бела ноќ“ вечерва на плоштадот Филип Втори

Преку 30 настани на 14 локации за осумнаесеттата „Бела ноќ“

Традиционалната „Бела ноќ“ утре на 13 локации низ Скопје

Ана Ололовска

„Бела ноќ“ 2020 – изложби, концерти, перформанси и многу други културни настани во Скопје

Ана Ололовска

Бела ноќ по 16-ти пат в сабота на 10 локации

Ана Ололовска

Повик за предлог-концепти за 16. „Бела ноќ“

Ана Ололовска