Предлогот на Специјалното јавно обвинителство за определување куќен притвор на ексдиректорот на УБК, Сашо Мијалков денеска ќе биде доставен до Основниот суд Скопје 1 Скопје, велат од СЈО за „А1он“. Судот треба да донесе одлука дали осомничениот Мијалков за случајот „Империја“ ќе биде пуштен од истражниот затвор „Шутка“.
Кривичниот суд вчера го врати на доработка предлогот на СЈО на доуредување бидејќи истиот бил некомплетен.
Мијалков засега е единствениот од случајот „Империја“ што е во притвор. Со одлуките на скопска Апелација сите други осомничени излегоа од притвор.
Во предметот „Империја“ истрагата опфати 13 лица. Првично притвор им беше определен на бизнисменот Јордан Камчев, неговите соработници Ненад Јосифовиќ и Зорица Арсовска, директорот на „Пелагонија“, Цветан Панделески, и директорот на фирмата „Ексико“, Тодор Мирчевски.
Виктор Јованов