По предлог на Владата денеска во кругот на „Македонски Железници Транспорт“ ќе се спроведе акција за борба против аерозагадувањето и заштита на животната средина.
Ќе се садат зимзелени, листопадни и родни дрва, обезбедени од страна на МЖ Транспорт АД-Скопје.
– Поради големината на објектот и бројните работилници наменети за одржување на возовите и возните средства, како и поради можниот потенцијал од загадување на воздухот во овој објект од горенаведените возни средства, генералниот директор Шабан Зендели и менаџерскиот тим сметаат дека оваа акција ќе даде голем придонес во прочистувањето на воздухот во кругот на вработените, информираат од МЖ Транспорт АД-Скопје.