ВМРО-ДПМНЕ повторно ги „извиси“ бранителите

Од:

ВМРО-ДПМНЕ повторно заборави на ветувањето дека е цврсто решена да го реши статусот на бранителите. На новата собраниска седница, која почнува денеска се наоѓа предлогот на ВМРО-ДПМНЕ за измени во Деловникот.

Власта предлага ограничување на дискусиите, но само за измени на Уставот, за буџетот и економијата и за закони кои значат усогласување со европското право. Тука ги нема комисиите каде се наоѓа Законот за бранители, кој во Собрание по инцидентот во Слупчане влезе како предлог на партијата на Груевски.

Кога ја објаснуваше идејата Александар Николовски минатата среда, не кажа дека комисиите се определени, и дека не важи за сите.

Дури од ВМРО-ДПМНЕ во разговори брифираа дека ова е начин за да ја вратат опозицијата во Собранието, но и да се одблокира Законот за бранители, предложен од ВМРО-ДПМНЕ, а закочен со 15.000 амандмани од коалициската ДУИ.

Дали ова ќе значи премолчен договор на ВМРО-ДПМНЕ и ДУИ на елегантен начин повторно „жедни преку вода“ да ги минат бранителите, ќе се види. Иако ВМРО-ДПМНЕ велат дека ниту се откажале од бранителите, ниту се договориле со ДУИ.

Но, на сите им е јасно, ако ВМРО-ДПМНЕ не ги „извисила“ бранителите, како што вели, дека Законот за бранители ќе може да биде донесен, со темпото на разгледување по 10-тина години, бидејќи ДУИ јасно кажа дека ќе направи се за да не се изгласа ваков, според нив штетен и антиалбански закон.

Би можело да ве интересира

СДСМ, ВМРО-ДПМНЕ, ДУИ не ги почитувале во целост препораките на Државниот завод за ревизија

Катерина Ѓуровски

Мицевски ги повика турските партии да бидат дел од владата на ВМРО-ДПМНЕ

Тошковски и Николоски му се заблагодарија на Мицкоски за предлозите да бидат министри

A1on

Најавени министрите од новата влада: Муцунски во МНР, Ристовски за спорт, Тошковски во МВР, Николовски за транспорт

A1on

Љутков: Очекувам гласање за новата влада во Собранието околу 20 или 22 јуни

A1on

ВМРО-ДПМНЕ вечерва ќе ги соопшти имињата на новите министри и заменици

A1on