„Доказ дека Заев и неговата власт не преземаат ништо за спречување на загаденоста на воздухот е листата од десетте најзагадени градови во Европа, каде што дури Македонија има три, Скопје, Битола и Тетово.
Граѓаните се трујат поради неспособноста оваа власт која не знае да се справи со енормното загадување на воздухот.
На Владата на Заев приоритет и е луксузирањето за кое ќе потроши дури 7 милиони евра, а додека за справувањето со аерозагадувањето само 1,5 милиони евра.
СДСМ на темата аерозагадување калкулира и собира дневно политички поени, тера политикaнство и си игра со животите на нашите најмили.
Оваа власт нема ниту капацитет, ниту волја да го реши овој проблем, народот знае дека е потребна зората за да ги истераат црнилата.
Затоа ВМРО ги повикува граѓаните денес во Кочани на протестен марш против однародената и криминална власт“, се вели во реакцијата на ВМРО-ДПМНЕ на соопштението на СДСМ.