Времето денеска ќе биде променливо облачно со сончеви периоди, околу пладне и попладне облачноста ќе се зголемува, а ќе има повремени врнежи од дожд, на планините од снег, oсобено во западните подрачја на земјава.
Дневната температура ќе се движи од 3 до 14 степени.
Во Скопје ќе биде променливо облачно со сончеви периоди, ќе има услови за повремен дожд. Ќе дува слаб ветер од југозападен правец. Температурата ќе достигне до 9 степени.
Нови врнежи се очекуваат утре вечер, преку ноќта и в понеделник, кога поради спуштање на постуден и влажен воздух од север на планините и на повисоките места врнежите ќе поминуваат во снег, а во некои пониски места од дожд и снег. На планините ќе се формира нова снежна покривка.