Ќе дехидрират од плукање по мене, а притоа не гледаат дека државата пропаѓа, народот си оди, рече лидерот на ВМРО-ДПМНЕ на протестниот марш пред Владата.
„Тука сме да го изразиме нашето незадоволство од оваа Влада. Сакам да ви се заблагодарам на вас најхрабрите кои и оваа и секоја наредна среда, и секој четврток и секој петок, ќе ни се придружувате тука пред платото на Влада“, рече претседателот на ВМРО-ДПМНЕ додека насобраните граѓани скандираа „Христијан … Христијан…“
„Заедно да се мобилизираме и да им го нанесе најголемиот пораз во историјата на следните претседателски избори. Без око да им трепне тие го менуваат името на државата. Нека излезе човекот што беше предводник на оваа операција, човекот што се храни од овие граѓани, човекот што ги користи сите привилегии, тој човек кој го нарече овој народ искомплексиран, не господине Димитров ние не сме искомплексирани. Излезете и јавно извинете се“, изјави Мицкоски.
И додаде дека скапо ќе платат на следните парламентарни избори.
За време на говорот на Мицкоски граѓаните скандираа „Оставка, оставка“.
„Оваа власт удри по секого по секој граѓанин, го замајуваат народот со монтирани политички процеси, но ние сме тука да кренеме глас против Кацарска судството,“ додаде Мицкоски во својот говор.
„Малку е што сакаат да ни земат јазикот, индентитетот, сега удрија и по лебот, ни го поскапуваат. Вода нема чиста никаде, загаден воздухот, луѓето сиромашни и обесправени. Ќе дојде денот кога ќе платат и за лебот и за водата“, изјави лидерот на ВМРО-ДПМНЕ и додаде дека згора на тоа не убедуваат дека црното е бело.
Ќе протестираме против ова гнило политичко мочуриште спроти мене, во кое гнијат овие политичари“, рече Мицкоски.
Габриела Димковиќ-Мишевска