Предлагачот на амандманите да нагласи дополнително три компоненти: дека не се загрозува граѓанскиот карактер на Уставот, да се потенцираат идентитетските одредници и дека решенијата се во рамки на уставните стандарди и не се се измислени само за нас, изјави професорот Љубомор Фрчкоски на јавната расправа за уставните амандмани.
Фрчкоски се осврна на предложените амандмани со забелешка дека во делот на Преамбулата треба да се вметне Охридскиот договор, но не во истата реченица со историските документи и со Уставот од 1991 година.
Во однос на четвртиот амандман тој смета дека треба да се додаде и дека Републиката го штити и гарантира идентитетот во првиот став. А во третиот Републиката се грижи за дијаспората само кусо без да се наведува припадниците на македонскиот народ кои живеат во странство или да се наведуваат други заедници. Овој предлог беше прифатлив за повеќето присутни на расправата, како посоодветен термин од припадници на македонскиот народ кои живеат во странство.
Во однос пак на постојаното потенцирање дека Македонија нема територијални претензии Фрчкоски вели дека тоа звучи како да зборуваме за моќна држава како Русија па како другите државни на Балканот да се плашат.
Галена Николовска-Ризвановиќ