Утринава времето во Македонија е умерено, а во западните делови и значително облачно. Претпладне ќе преовладува умерено облачно време, а облачноста од запад постепено ќе се зголемува па преку денот ќе биде претежно облачно, соопшти Управата за хидрометеоролошки работи.
Ќе дува слаб ветер од јужен правец. Максималната температура ќе достигне од 3 до 8 степени.
Во Скопје времето ќе биде умерено до значително облачно со температура до 4 степени.
Во наредните денови ќе биде претежно стабилно со умерена до значителна облачност и со појава на магла по котлините. Во западните делови ќе има услови за слаб локален дожд, особено во вторник. Дневната температура ќе биде во пораст.