Раководството на премиерлигашот Лестер му забрани влез на стадионот во следните три месеци на навивачот кој втрча на теренот за да изрази сочувство до синот на сопственикот на клубот Вишај Шриваданапрабхи кој загина во хеликоптерска несреќа.
Инцидентот се случи по натпреварот од шампионатот на Англија со Барнли (0:0), кога синот на сопственикот, Ајават влезе на теренот за да им се заблагодари на навивачите за нивната поддршка. Тогаш, навивачот Том Мери, истрча на теренот за да го прегрне уплаканиот Ајават. Тој му се заблагодари за возврат.
Сепак, навивачот подоцна од раководството на Лестер, доби забрана за влез во следните три месеци поради недозволен влез на теренот.
Навивачот Мери изјави дека лицата за безбедност, по неговото емоционално дело, го чувале во соба на стадионот околу 20 минути прашувајќи го за неговите мотиви. Тој рече дека тој подлегнал на емоции и повеќе нема да го стори тоа. Истакна дека не жали што направил и бил подготвен да прифати казна, бидејќи „правилата се правила“.