Поранешниот министер за транспорт Миле Јанакиески и поранешниот генерален секретар на Влада, Кирил Божиновски од рано изутрина се во притвор.
Адвокатот Еленко Миланов за „А1он“ ја потврди информацијата дека обвинетите за случајот на СЈО, „Титаник“ се во затворот „Скопје“.
Според него, ова е политичка одлука, бидејќи како што вели, уште вчера министерот за внатрешни работи, Оливер Спасовски изјавил дека треба да бидат ставени во притвор обвинетите од случаите на СЈО.
Јанакиески е обвинет во пет случаи на Специјалното јавно обвинителство за кои судењата се во тек.
Кирил Божиновски, како поранешен генерален секретар на ВМРО-ДПМНЕ е обвинет во случајот со изборни нерегуларности „Титаник“.
Судско рочиште за „Титаник“ е закажано за денеска во 9.30 часот.
Виктор Јованов