На притисоците од страна на Грција, македонската реакција е добра. Но сметам дека се потценуваат односите со Бугарија, бидејки Бугарија не е помалку опасна од Грција смета Стефан Влахов Мицов, поет од Бугарија, и поддржувач и промотор на македонското прашање во странство.
„Давањето на бугарски пасоши на македонски граѓани не е случајно и на таа работа Македонија треба да обрне посебно внимание, бидејки во еден момент тоа што сега се случува ќе има големо значење. Ќе кажат еве 50.000 Македонци сега се Бугари што ќе биде голем проблем. Мора да се изработи таква стратегија која во предвид ќе ги има и односите со Бугарија“, вели Влахов Мицов.
Според него Македонија треба да има појасна црвена линија во однос на прашањето за името не само кон Грција туку и кон Бугарија. Тој е на мислење дека на Македонија и престојат уште поголеми проблеми со Бугарија во иднина.
„Поголеми проблеми може да има особено кога е некој отворено против вас, Бугарите немаат конкретен став за ништо. Тие кажуваат ние ве поддржуваме за членство во ЕУ и НАТО, но велат мора да запазите одредени услови како што се добрососедските односи. Со секој кој не ви го кажува отворено својот став кон вас со него може да имате поголеми и потешки проблеми. Бугарите се однесуваат лицемерно кон Македонците“, вели Мицов.
Тој во Охрид учестуваше на Меѓународната научна конференција посветена на македонскиот јазик и неговото прашање