Ексградоначалникот на општина Карпош, Стевчо Јакимовски, на протестот „Правда за Груевски“ пред кривичниот суд порача дека секој што е виновен треба да одговара и дека е против помирување.
Јакимовски во изјавата цитираше гости од хрватска дебатна емисија и рече „Во Македонија кад ти треба заступник идеш у тужилаштво и у суд, таму је ко у драгстору узимаш колку ти треба. Посланик се не тражи у политичкој партии веч у судства или тужилаштво.“
„Даваме поддршка на чесните судии да се одважат и да кажат ‘не’ на политичкиот процес“, рече Јакимовски.
„Јас сум против какво било помирување. Тој што е виновен треба да одговара. Кој отворил врата треба да си одговара, кој тепал исто треба да си одговара. Луѓе што пукаат куршум во главата лежат 7 години, а луѓе што удриле шлаканица лежат 15 години. Нашите соседни земји коментираат дека нашата земја е циркус-држава“, рече Јакимовски.
Кристијан Ландов