Коалицијата „Сојуз за иднината“ денеска продолжува со протестниот караван со автомобили низ неколку сообраќајници во Скопје.
Протестот ќе започне напладне од салата МЗТ во Аеродром од каде караванот ќе се движи по булеварите „Авној“ и „Јане Сандански“, а ќе продолжи по булеварот „Кузман Јосифовски Питу“. Потоа караванот продолжува кон Бит Пазар и по улиците „Цветан Димов“ и „Христијан Тодоровски Карпош“ во Чаир.
Преку улиците „Босна и Херцеговина“ и „Македонско-Косовска бригада“ автомобилите ќе се движат се до булеварот „Никола Карев“, а оттаму преку булеварите „Гоце Делчев“ и „Илинденска“ ќе пристигнат пред зградата на Владата.