Општинските комитети на ВМРО-ДПМНЕ во Карпош, го исклучија од партијата поранешниот висок функционер, Никола Тодоров.
Тој бил повикан во општинскиот комитет во Карпош, каде бил ислушан и по расправата бил исклучен од ВМРО-ДПМНЕ.
Решението доаѓа по едногласната одлука на ЦК на ВМРО-ДПМНЕ.
Претходно, од општинскиот комитет во Центар беше исклучен од партијата ексдиректорот на Управата за безбедност и контраразузнавање Мијалков, кој изјави дека на партијата ѝ е потребна инклузивност, а не политики на исклучување. Тој посочуваше дека партијата не е сопственост на актуелното раководство.
Екс министерот за здравство Никола Тодоров бараше да биде повикан и ислушан од дисциплинската комисија во Карпош, но тоа не се случи.
И за двајцата од ВМРО-ДПМНЕ беше посочено дека соработувале со СДСМ со цел обезбедување двотретинско мнозинство за уставните измени, спротивно на партискиот став.