Советот на ФИФА нема да дозволи средбата од 21-от круг од шампионатот на Шпанија оваа сезона меѓу Жирона и Барселона да се одигра во САД, објавија шпанските медиуми.
Ова прашање на дневен ред на Советот на ФИФА ќе се најде на состанокот закажан за в петок во Кигали (Руанда).
Претходно беше објавено дека дуелот меѓу Жирона и Барселона треба да се игра на 27 јануари во Мајами и да стане првиот во историјата на шампионатот на Шпанија, кој ќе се одржи во САД.