Голманот на аргентинската фудбалска репрезентација Емилијано Мартинез е суспендиран на два натпревари, соопшти Меѓународната фудбалска федерација (ФИФА).
ФИФА не даде објаснување, но јасно е дека одлуката е донесена поради неговото грубо однесување кое започна по финалето на Светското првенство во Катар, продолжи на Копа Америка, а „кулминираше“ минатиот месец кога ја удри камерата по натпревар против Колумбија.
Мартинез ќе ги пропушти натпреварите од квалификациите за Светското првенство против Боливија и Венецуела.