Командирот на полициската станица Центар, Зоран Марковски, во телефонски разговор од 2 април 2013 година со ексминистерот Миле Јанакиески, нудел имиња на партиски подобни полицајци да бидат ангажирани за изборите во Центар.
„Освен еден што ми пуштија со триста усилби преку Мијалков, преку Влатко… ама еден човек не ми врши работа“, му вели Марковски на Јанакиески.
„Ќе видам јас и со министерквата моја. Јас ќе ви дадам неколку имиња на верни чесни и полициски и политички да ми ги донесете“, вели командирот во ПС Центар.
„Јас во петок ќе го направам списокот. Ако може да помогнете“, го замолува командирот, Јанакиески.
На почетокот од рочиштето, по паузата, судијата го опомена експремиерот да не доцни, откако Груевски се појави во судницата 16 минути, откако рочиштето беше закажано.
„Во иднина навреме да се враќате во судницата“, рече судијата Шабани.
Васко Маглешов