Раководството на ВМРО-ДПМНЕ во очај шири рециклирани лажни вести, продажбата на
ЕДС е законска и транспарентна, велат од СДСМ, по прес-конференцијата на опозициската партија дека фирмата ЕДС се занимава со криминални работи, а пак вицепремиерот Анѓушев фирмата со негативен кредитен рејтинг, ја продал на Грците за 4,8 милиони евра.
„Не можејќи да се помири со успешните економски политики на Владата предводена од СДСМ,
раководството на ВМРО-ДПМНЕ шири рециклирани лажни вести. Залудно. Продажбата на компанијата ЕДС, која со години успешно функционира во 9 држави е законска и транспарентна, а јавноста беше информирана и за прецизниот износ за кој компанијата е продадена. Вицепремиерот за економски прашања Кочо Анѓушев и владата предводена од СДСМ продолжуваат со спроведување на зацртаните мерки што обезбедуваат повеќе инвестиции,
поголеми плати, нови работни места и засилен економски раст“, велат од СДСМ.