ВМРО-ДПМНЕ и Коалицијата „За подобра Македонија“ вечерва го промовираа кандидатот за градоначалник на Крушево, Ѓорги Дамчевски.
Во своето обраќање пред граѓаните на Крушево, Дамчевски истакна дека во изминатите четири години во овој град изградена е Спомен куќата на Тодор Проески, градскиот пазар, каптирани се неколку нови извори на планинска вода за пиење, изграден е плоштад „Никола Мартиноски“, фонтана, извршена е реконструкција на крушевските скали, изградено е фудбалско игралиште, рекреативни патеки околу езеро…
Приоритетите на Дамчевски за наредниот четиригодишен мандат се поврзани со економското закрепнување на градот во тесна соработка со Владата на Република Македонија.
Мојата визија за развој на Крушево опфаќа креирање на нови работни места, со отворање на индустриската зона „Сува Река-Опаленик“ и привлекување на странски инвеститори. Реконструкција на секундарната водоводна мрежа низ градот со цел намалување на загубите на вода, изградба на дом за стари лица, со кој ќе се обезбеди адекватно згрижување на старите лица и би се отвориле нови работни места, рече Дамчевски.