Новото засилување на Милан, Марио Балотели со два гола го заврши деби настапот за новиот клуб и донесе победа за својата екипа. „Супер Марио“ головите ги постигна во 25.минута и во судиското продолжение од вториот дел од пенал.
Стрелец за Удинезе беше Џиампиеро Пинци во 55. минута.
Со оваа победа Милан изби на четвртата позиција на табелата и се наоѓа само едно место подоле од можноста да игра квалификации во Лигата на шампионите. До пред десетина кола „росо-нерите“ се наоѓаа во долниот дел на табелата, но серијата успешни резултати придонесе амбициите на клубот постојано да растат.
Преглед на резултатите од 23.коло од Серија А: Милан – Удинезе 2:1, Фиорентина – Парма 2:0, Палермо Атланта 1:2, Пескара – Болоња 2:3, Сиена – Интер 3:1, Џенова – Лацио 3:2, Киево – Јувентус 1:2, Наполи -Катанија 2:0, Торино – Сампдорија 0:0 и Рома – Каљари 2:4.
Табела: Јувентус 52 бода, Наполи 49, Лацио 43, Милан 40, Интер 40, Фиорентина 39,…