Во општина Аеродром, покрај Вардар е пуштен во употреба „Паркот на езерата“ кој се простира на 11 илјади метри квадратни, со околу 1.800 метри водена површина со четири езера.
Во паркот има архитектонски, партерни и хортикултурно уредени површини, со жардиниери, места за седење, 60-тина клупи, корпи за отпадоци и друга урбана опрема, осветлен со канделабри и рефлектори.
Градоначалникот на Аеродром Ивица Коневски кажа дека ова е еден од најголемите и најубави паркови во државата со автоматско наводнување.
