Општина Струмица ги определи местата за истакнување изборни плакати за локалните избори 2013 година.
Членовите на Советот на општина Струмица на седница ја усвоија предлог – одлуката за определување на места за истакнување изборни плакати.
Според оваа одлука, определени се следните места: улица „Балканска“ (покрај оградата на стара автобуска станица), улица „Ленинова“ на просторот од домот на пензионерите до трафиката на крстосницата со улицата „Цветан Димов“ и на улицата „Климент Охридски“ од пресекот со улицата „Братство Единство“ до зградата на новата автобуска станица.
Во населените места изборни плакати можат да се поставуваат на објектите во сопственост на општина Струмица, но исто така изборни плакати можат да се истакнуваат и на станбени и други приватни објекти со претходна согласност од сопственикот на објектот.
