Заев телефонски разговарал со Меркел: Поддршка од германската канцеларка за успешна реализација на претстојниот референдум

Од:

Претседателот на Владата на Република Македонија, Зоран Заев попладнево оствари телефонски разговор со канцеларката на Сојузна Република Германија, Ангела Меркел.

„Германската канцеларка, Меркел, даде поддршка на напорите на Владата и на општествено – политичката јавност во Македонија, за зајакнување на европските и атлантските перспективи на граѓаните на нашата држава. Канцеларката Меркел ја потврди поддршката на Германија за постигнатиот Договор меѓу Македонија и Грција, којшто го решава долгогодишниот спор, што беше главна пречка за членството на Република Македонија во ЕУ и во НАТО. Во таа насока заеднички е заклучено дека референдумот е врвен демократски чин и одраз на определбата на граѓаните за иднината на државата“ се вели во соопштението на Владата на Република Македонија.

Заев ја информирал Меркел за подготовките за пресотјниот референдум.

-Владата е силно посветена на организирањето фер, демократски и транспарентни услови за реализација на демократското изјаснување на граѓаните, ѝ соопшти премиерот Заев на канцеларката Меркел.

„Претседателот на Владата, Заев во телефонскиот разговор со германската канцеларка Меркел соопшти и дека Владата продолжува активно со реформските напори што одат во насока на исполнување на условите од заклучоците на Европскиот совет во јуни 2018 година, особено во делот на владеењето на правото, борбата против корупцијата и криминалот, како и реформите во јавната администрација и разузнавачките служби. Премиерот Заев и канцеларката Меркел зборуваа и за конкретни чекори за зголемување на економската соработка меѓу двете држави“ велат од Владата.

Разговарале и за други актуелни билатерални и регионални прашања.

Би можело да ве интересира

Германците пресметаа: Одморот во Хрватска е поскап отколку во Шпанија, Грција и Португалија

Мртво девојче е пронајдено покрај брегот на Рајна, уапсени се нејзините родители

Германија протера авганистанско семејство, Варшава го осуди овој потег како кршење на законот

Горан Наумовски

(ВИДЕО) Германската полиција спречи можен масакр во Хамбург

(ВИДЕО) Германија: Полиција застрела маж кој се обидел да нападне минувачи со секира близу фан зоната со холандски навивачи

Горан Наумовски

Неколкумина навивачи се ранети во инцидент во Германија, полицијата го застрела напаѓачот

Горан Наумовски