Во една од необјавените „бомби“, кои попладнево беа пуштени во судницата за предметот „Титаник”, поранешниот министер за финансии, Зоран Ставрески, му нарачува на Миле Јанакиески среде кампања да врти кај тогашниот директор на УЈП, Горан Трајковски, да пушти контрола кај фирмата „Марди“ од Радовиш.
„Нека пушти Горан контрола во фирма во Радовиш. Ако може и трудова инспекција“, вели Ставрески.
Тој услугата ја бара од Јанакиески, бидејќи, како што вели, претходно ѝ помогнале многу на фирмата, ама сега тие се врзале со Љубе или Љубчо.
Ставрески додава дека сакал да отиде во посета на Радовиш, арно ама на неговите луѓе од градот, никој не одговарал од фирмата „Марди” за средба со него.
„’Марди’ ни праи проблеми во Радовиш“, му вели Миле Јанакиески на друг соговорник.
„Че му е*име мајката, ја знам шо че праиме“, вели Јанакиески.
Васко Маглешов