Канал 5, Сител и Алсат-М побраа Министерството за култура итно да ѝ ја одземе лиценцата на Македонската музичка индустрија (ММИ) и да почне со измени на Законот за авторски и сродни права во делот на прибирање средства од корисниците на овие услуги.
Трите телевизии се закануваат дека ако не им се остварат барањата од 1 февруари до 15 февруари ќе почнат со „проектот 2013“, односно на трите национални телевизии, вклучувајќи ги и Сител 3 и Канал 5 плус и сите локални и регионални телевизии кои се членки на Здружението на приватни медиуми, секој ден во 20.13 ќе го затемнуваат екранот и ќе даваат порака до гледачите дека единствен виновник за минимизирање на музичкото творештво во Македонија е ММИ.
Медиумите планираат по 15 февруари да истакнат ценовник за емитување аудио визуелни дела на телевизиите.