Здружението на професионални фудбалери на Италија ги избра најдобрите во Серија А за 2012 година. Најголем број од гласовите отидоа кај шампионот Јувентус.
Фудбалерот на Јувентус, Андреа Пирло го доби признанието за најдобар фудбалер за изминатата година.
Тренерот на Јувентус, Антонио Конте ја доби наградата за најдобар меѓу своите колеги, додека шампионот Јувентус го добие признанието за најдобар фудбалски клуб во Италија за 2012.
Наградата „Откритие на годината“ отиде кај Стефан Ел Шарави од Милан и Луис Муриел од Удинезе.
Специјално признание за животно дело добија Хавиер Занети актуелниот капитен на Интер и Филипо Инзаги.