Економијата на Монголија веќе две години има најбрзо темпо на раст во светот и според прогнози на банката HSBC ќе oстане лидер и во 2013 година со раст од околу 18 отсто, објави романското издание Капитал.
Слични прогнози за монголската економија претставува и EconomyWatch кој наведува за раст од дури 23 отсто. Аналитичари кои работат за монголскиот парламент предвидуваат БДП да се зголеми на 14,4 милијарди долари што означува годишен раст од 19 отсто.
Монголија има население од околу два милиона и 800 илјади луѓе кои живеат на околу 1,5 милиони кв/км. Економскиот раст де должи на веќе пет години „бум“ во рударството. Во 2011 година, во Монголија се регистрирани странски инвестиции од 4,7 милијарди долари. Најголеми трговски партнери и се Русија и Кина. Монголија извезува во Кина 94 отсто од стоките, а увозот од Rусија и е 27 отсто.