Секогаш кога ќе помислиме дека лажниот морал и лицемерието на СДСМ го достигнале најниското ниво тие како по правило потврдуваат дека секогаш можело и полошо, изјави на денешната прес-конференција Петар Ристески потпретседател на ВМРО – ДПМНЕ ОК Прилеп.
Опозицијата, според Ристески, протестирала скриeна зад борбата за демократија а издадена од желбата за власт по секоја цена.
Г-да социјалдемократи во 1994 година се одржани единствените избори кои ги бојкотирала опозицијата. Зар тоа беше демократија? Не беше г-да, но тоа не ве спречи да назначите 600 судии во еден ден, да извршите срамна приватизација на фирмите и оставите 200 000 луѓе на улица. Тогаш се беше во ред, не ви требаа предвремени избори. Го нарекувате градоначалникот Марјан Ристески за ненароден, а тој на последните локални избори ве победи со 20 000 народни гласови разлика. Повторно само инсинуации и лаги. Каде ви е честа? Каде ви е образот? Ако воопшто сте ги имале? – праша Ристески.