„Минута до 12“ е насловот на активноста на исклучениот од СДСМ, Михаил Младеновски и групата која се нарекува „младите социјалдемократски сили“ во пресрет на локалните избори, со која како што велат сакаат симболично да покажат дека е дојдено време кога народ треба да одлучи да направи промена на политичката сцена во Македонија. Велат, треба да се случи нова алтернатива на СДСМ со социјалдемократска идеологија која ќе понуди визија и програма.
Гледаме дека во СДСМ нема доволен капацитет да се случат одредени реформи, односно апсолутната власт на лидерот ја гуши демократијата и поради тоа сакаме да нагласиме дека народот треба да одбере друга алтернативна опција, изјави поранешниот Генерален секретар на СДММ, Михаил Младеновски.
Младеновски ги повика сите интелекуалци, професори и експерти да се приклучат кон една заедничка опција.
Во СДСМ тешко дека ќе се случат промени. Во таа партија нема демократија, нема дебати и тоа треба да се измени, а ќе може со нова алтернатива, вели Младеновски, кој на локалните избори во март, заедно со неговите поддржувачи, ќе настапи со независна советничка листа.
Младеновски е исклучен од СДСМ и не е нејзин член. Од опозицијата го обвинија дека е платен од ВМРО-ДПМНЕ за неговите активности, а тој негираше и најави тужба за клевета следниот пат кога такви изјави ќе бидат дадени. Младеневски се спомнуваше како кандидат за градоначалник на општина Центар, контра Андреј Жерновски, додека Виктор Цветковски, кој исто е исклучен од СДСМ, дека ќе настапи како кандидат за градоначалник во Куманово,